Plantun de Prouvènço

Pèr coumpara dos planto d'encò nostre

Dianthus seguieri & Silene paradoxa

Dianthus seguieri

Caryophyllaceae

Nom en français : Oeillet de Séguier.

Descripcioun :
Aquesto giróuflado trachis en mountagno mejano, dins li bos clar, li roucaio e tepiero seco. Fai d'enflourejado de 2 à 5 flour. Li fueio soun plano e la tijo sènso péu. Li sepalo soudado fan un "calice" à dènt pounchudo. Li bratèio soun nourmalamen longo (> 3/4 dóu tube). Se recounèis subretout à si flour d'un poulit rose emé souvènt lou deforo de la gorjo pourpre. La subsp. de Prouvènço, ié dison seguieri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 45 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 1800 m
Aparado : Noun
Juliet à setèmbre

Liò : Bos clar - Tepiero seco - Roucaio
Estànci : Coulinen à Subaupen
Couroulougi : Ouroufito-Éuropenco
Ref. sc. : Dianthus seguieri Vill., 1779

Empeganto(-de-Vau-Cluso)

Silene paradoxa

Caryophyllaceae

Àutri noum : Atrapo-mousco, Aganto-mousco.

Nom en français : Silène paradoxale.

Descripcioun :
Aquesto empeganto trachis dins li colo e li basso mountagno quàsi soulamen dins la Vau-Cluso. I'agrado li tepiero seco, li bos clar e li roucaio. Es uno planto di proun pegouso en aut emé forço entre-nous (de 7 à 15, un poun que la destrìo de Silene italica que ié sèmblo proun). Tambèn i'a ges de péu sus li fueio nimai dessouto e soulamen sus li bord au contro de l'empeganto coumuno.

Usanço :
Tant se poudrié que li jóuini fueio siguèsson manjadisso coume d'ùnis empeganto.

Port : Erbo
Taio : 20 à 70 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Silene
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 2,5 à 3 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Remarco : Planto pegouso
Jun à setèmbre

Liò : Bos clar - Tepiero seco - Roucaio - Esboudèu
Estànci : Coulinen à Mountagnard
Couroulougi : Mediterrano-Mountagnardo
Ref. sc. : Silene paradoxa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Dianthus seguieri & Silene paradoxa

ges

Coumpara Giróuflado(-de-Séguier) emé uno autro planto

Coumpara Empeganto(-de-Vau-Cluso) emé uno autro planto